امریکاپه سعودی عربستان کي ګونسلګري تړلې

15-03-2015

---

امریکادامنیتي خطرونوله امله په سعودي عربستان کي دګونسلګرۍ خدمات ځنډولي دي.

دامریکاسفارت په خپره کړې خبرپاڼه کي ویلي، چي کونسلګري خدمات به په ریاض، جده او ظهران ښارونو کي ددوو ورځو لپاره وځنډوي.

دامریکاامنیتي سرچینو خبر ورکړی، چي جدي ګواښ ورته متوجه دی او په راتلونکو دوو ورځو کي به یوازي مهم کارکونکي دامریکاپه ديپلوماتيکو ودانیو کي موجود وي.

دامریکاسفارت امریکايي وګړو ته خبرداری ورکړی، چي ډیر احتیاط وکړي او عمومي ځایونو ته له تګ راتګ څخه ډډه وکړي.

دامریکاسفارت ویلي، چي کېدلی شي یا برید وشي اویا دتښتوني پيښه رامنځ ته شي.

په امریکايي وګړو دبرید خطر په داسي مهال زیات شوی، چي تیر کال په ریاض کي دیوه برید په ترڅ کي یو امریکایی ووژل شو او بل ژوبل شو.

احمدظريف